اولا ازيك وحمد لله على السلامه ويارب تكونى بخير

الله يسلمك والحمدلله انا بخير واشكرك وائل على السؤال

اكيد مش هسال اسئله عارف انك مش هتجاوبى عليها او تكون اجابه دبلوماسيه
ها عاوز اية هاتسال اسئلة خفيفة اما اشوف لا انا اجابتى مش دبلوما سية
ولا حاجة بس الاجابة على قد السؤال دة فى رائيى طبعا مش مصدقنى اكيد
انت مين فى كلمتين

انا انسانة عادية جدا بحب كل الناس ومش بحب ازعل حد وفى المقابل مش بحب حد يزعلنى

ملحوظة السؤال دة كبير جدا

ايه اكتر حاجه ممكن تاثر فيكى وبتخافى منها

اية اكتر حاجة ممكن تاثر فيا واخاف منها فقدان حد عزيز عليا بجد صعب اوى

ايه الحلم الى بتخافى تحلميه وبتهربى منه

الوحدة انى اكون وحيدة فى يوم من الايام

و ايه الحلم الى نفسك تحلميه

الحلم بحلم ان بلدنا تتقدم بينا

العمر معناه ايه بالنسبه ليكى

لحظات فى حياتى اتمنى تكون سعيدة

الامل الحياه الموت الامانى الاحساس الحلم الكلمات ديه معناها ايه عندك

الامل.. الامل دة موجود فى حياتى دايما

الحياة .دى قناة فى التليفزيون الحياة واحد واتنين ومسلسلات

لا بجد الحياة معنهاها كبير اوى بس اقدر اقولك دلوقت انه لذيذة وجميلة هى الكلمة نفسها فيها سعادة بس احيانا بتكون قاسية شوية ولكن لازم نعيشها بحلوها ومرها


الموت ..كلمة اقسى مما تتخيل ولكن هى الحقيقة الوحيدة المؤكدة فى حياتنا

الامانى.. اتمنى انه كل حد عنده امنية ربنا يحققهاله على خير ان شاءالله

الاحساس.. بمعنى اية الاحساس لو دبوس شكنى احس يعنى ولا الاحساس والمشاعر والحاجات دى لو احساس الدبوس اه بحس بيه طبعا
لو المشاعر انا بخجل جدا من الحاجات دى حتى لو اخدت بالك
هاتلاقي فى سؤال من عند عاشقة الحب عملت نفسى مش واخدة بالى منه بس اوعى تقولها انى مش جاوبت عليه

الحلم.. بحلم على قدى على فكرة مش من النوع اللى يعنى عندى سقف للاحلام مش بحلم بحاجة اكبر من تخيلى وانا عارفة انها مش هاتتحقق


فى شخصيه نفسك تتعرفى عليها و ليه

شخصية نفسى اتعرف عليها لا يوجد

كفايه كده انهارده اصلك راجعه من اجازه من المنتدى
على فكرة هى اسئلة فيها عمق كبير بس اتمنى انى اكون

جاوبت صح