همسات على شاطىء البحر

مشمشه · #1 27-06-2008, 05:55 PM

كان يا ما كان

فى يوم من الايام
كانت مللك فرحله بتستجم فيها من تعب الدراسه طول السنه
كانت قاعده قدام البحر
وسرحانه فيه
فى قوته وجماله
سرحت بعيد
وغمضت عنيها
بعدت اكتر
واول مفتحت

لقت قدامها شاب وسيم وكان بيبصلها اوى
وهيا .....
مش عارفه هوه جه منين مكنش فى حد قدامها زى ميكون خرج من البحر
بصتله اوووى
واستغربت فضل عنيه فعنيها شويه
وبعدين مشى
وبعد عنها وكان شايفها من بعيد وهيا مش شيفاه

كان المكان هادى جدا
مكنش فى غير صوت البحر والامواج
والشمس كانت بتغرب
افتكرت مللك انها كانت بتحلم
واتمنت الحلم يكون حقيقه
وبدأ الليل ييجى
قامت هيا بكل هدوء
ومشيت
وهوه فضل موجود بيبصلها و مستنيها لحد متغيب عن عيونه وغابت
وقتها حس ان فى حاجه اتخدت من جواه
وفى اليوم ال بعده
راحت مللك نفس المكان ........
كانت مستنياه
بتتمنى تشوفه
بتتمنى تحلم نفس الحلم تانى
عشان تتاكد انه مكنش حلم
كان حقيقه
وفى نفس الوقت لقت شاب جاى من بعيييييييد اوى
اتمنت يكون هوه
وفعلا كان هوه فرحت اوى ان القدر جمعهم مره تانى
واتمنت انه يجيلها ويكلمها
لقيته بيقرب منها
ولقته بيبتسملها
ابتسمت
قرب منها

وال بعدى يكمل

معلش اتاخرت عليكوا فى الحدوته دى
كان فى ظروف كده ما علينا منها
يلا ورونا القصه دى هتبقا عامله ازاى
ال كتب المره ال فاتت يكتب
وال مكتبش يشترك لو بكلمتين
مستياكوا

شوشو · #2 28-06-2008, 01:05 AM

ولقته بيبتسملها
ابتسمت
قرب منها

قرب منها الشاب الوسيم اللى هى كانت فاكرة انها كانت بتحلم بية وابتسملها وابتسمتلة
واول ما اقرب منها وجت عينة فى عينها الغريبة بقا انو عمل اية راح مشى وسبها
وقعد يبص عليها بردة من بعيد
وهى استغربت جدا انو لية مكلمهاش
واتمنت ان بكرة يجى بسرعة عشان تشوفة
وانة يمكن يكلمها بكرة
وقالت لنفسها لو هو قرب منها تانى
ومكلمهاش هى هتكلمة
وهو بردة شايفها من بعيد
وهى قاعدة سرحانة
وهو بيقول
لنفسة اكيد هى مستغربة انا لية مكلمتهاش
وبعد كدة روحت ملك وجت تانى يوم بسرعة فى نفس المكان
يمكن تشوفة ويكلمها
وفعلا قعدت ملك
ولقت نفس الشاب جاى عليها وبيبتسملها
جوها فرح اوووى وقالت اكيد هيكلمنى النهاردة
قرب من الشاب الوسيم راحت ملك كانت قاعدة راحت وقفت........................

ياترى اية حصل

يلالا كمل يلى بعدى.........؟؟؟

small cat · #3 28-06-2008, 07:59 PM

اكيد طبعا ضحكلها وهي كمان ضحكتله قام وافتكر اغنية ضحكت لعمرو دياب (ضحكت يعني قلبها مال وخلاص الفرق ما بينا تشال يلا يا قلبي روحلها يلا قولها كل اللي بيتقال)
قام سلم عليها وقلها ازيك

قامت قايلاله ازيك انت كمان

قالها انت بتيجي هنا كل يوم
قالتله اه انا بحب منظر الغروب
قام وقلها انا كمان
طلب منها انه يقعد معها ويستنوا الغروب
هي وافقت طبعا بس تقلت شوية بالكلام
وبعد ما قعدوا فضل يسألها عن اسمها ودراستها كده يعني
وهي كمان انبسطت اوي بالقعدة معاه حست انو بيشبهها واد ايه هو طيب وبسيط
وبعد كدة تواعدوا انهم يتقابلوا في نفس المكان بكرة

يلا بقى اللي بعدي يقول حصل ايه بكرة

مشمشه · #4 01-07-2008, 01:36 PM

واستناها تانى يوم عشان تيجى

استنى كتير

مجتش

قال يمكن تيجى بعد شويه

وفات الوقت ال كانت بتقضيه كل يوم على البحر
ووقت الغروب

ومشى

وجه اليوم ال بعده

يستناها فنفس المكان

مجتش

وفضل شهر كل يوم بييجى يستناها

فنفس المكان

نفس الوقت

ومش بتيجى

وهوه مش عارف راحت فين ولا اختفت ليه

وال بعدى يكمل

small cat · #5 01-07-2008, 06:46 PM

وهوه مش عارف راحت فين ولا اختفت ليه

هو فكر انها مش عايزة تيجي هنا وتشوفه وشافت مكان تاني تشوف فيه الغروب
زعل اوي بعد مالقى البنت اللي عجبته وحس انه مشدود لها
بعد كده قرر خلاص انه ينساها مدام هي مش عايزة تشوفه
قام وقال دي اخر محاولة وراح وسئل عنها الجرسون بتاع الاستراحة اللي كانت هي بتنزل فيها لان حس من كلامها معاه وهو بينزل الطلبات انه يعرفها وقله على اسمها
طلع الجرسون فعلا يعرفها ويعرف بيتها وقاله انها تعبت فجأة ونقلوها المستشفى وعملولها عملية المرارة
راح هو زعل وفرح بنفس الوقت (طبعا زعل عليها وفرح كمان انو لقى عذر عشان هي مجتش ع المعاد)
وراح وهو رايحلها البيت لانه اكيد بعد شهر بتكون خرجت من المستشفى (مش فاتحينها لوكانده)
.
.
.
.

وبعد كدة حصل ايه اللي بعدي يكمل

محمد فوزى · #6 03-07-2008, 01:18 PM

اقتباس:

وراح وهو رايحلها البيت لانه اكيد بعد شهر بتكون خرجت من المستشفى (مش فاتحينها لوكانده)

اخد معاه بوكيه ورد
ولبس إللي علي الحبل

وراح عشان يشوفها
بيخبط علي الباب

محدش رد
بيخبط تاني
برضو محدش رد

جاتله حاله من اليأس
وفجاه لاقي بنت صغيره طالعه علي السلم وبتقوله
عايز حاجه يا عمو
بيقوله بخبط علي الباب دا محدش بيفتح
قالتلو انت عايز مين
قالها انسه مالك

قالتله هو فعلا دا بيتها
بس هي كانت هنا مع اهلها وباعو البيت دا وسفرو بلدهم تاني

قالتها ماتعرفيش اسمها ايه بلدهم
قالت لأ
قالها مافيش رقم تليفون ليهم
قالت لأ والله يا عمو معرفش

قالها شكرا يا عسل
وادالها بوكيه الورد قالها خدي دا ليكي

ومشي
وراجع زعلان وماشي مش حاسس بنفسه ولا بالدنيا
وبيفكر يعمل ايه

ينساها ولا يدور عليها

إللي بعدي يكمل