بسم الله الرحمن الرحيم


من غير مقدمة ازيكم عاملين اية يارب تكونوا بخير.انا من فترة طويلة

وانا بجد عاوزة انزل الموضوع دة وسالت من فترة طويلة جدا المشرف

العام محمد بيه انزل الموضوع دة فين بس انا اختارت الفضفضة
عشان

تقريبا كدة مش فى حد بيفضفض غيرى المهم

إنطلاقاً من حديث المصطفى صلى الله عليه وسلم( من لم يشكر الناس لم يشكر الله ). ويشرفني أن أتقدم بأسمى آيات الشكر وأعطر كلمات الإعجاب والتقدير إلى جميع الاعضاء فى المنتدى الرائع على جهودهم الرائعة فى اظهار المنتدى بافضل صورة وحاجة تانية


اقدم لكم رسالة شكر لعلها تعبر عما بداخلي تجاه وقفتكم معي وبجانبي
انا بجد والله اتحسنت كتير عن يوم مابدات اتفاعل معاكم ودة بفضل الله ثم بفضل دعمكم لي
وربنا يشهد بان كل عضو فى الافضل اخ واخت لي عشان فعلا انا اتيت لكم وكان بداخلى حزن والم ربنا الاعلم بيه


و اول انسان هاشكره

محمد فوزى المشرف العام بجد مش مجاملة اشكره على المساعدات

اللى قدمها لى عشان بصراحة دة اول منتدى اكون عضوة عاملة فيه

كل المنتديات بكون زائرة ودايما بحس انه اخويا اللى بياخد لى حقى

لوحصلى مشكلة وبشكره على مجهوده من اجل التقدم نحو

الافضل واحب اقوله ربنا يكرمك ويوفقك ويحققلك طموحاتك واحلامك.

اشكر كل من هفضل. بلية. ( الصياد شان غاوى افلام هندية). سيرجو . مهندس ميشا . هيشو .وميدو مشرف الرياضة
وماحدش يزعل من الشباب لو انا نسيت الاسم

البنات عاشقة الحب كتبتها فى الاول عشان هى اول بنوتة استقبلتنى

فى المنتدى اميرة القمر. سمول كات. ريرى

مشمشمة هى عارفة انا عاوزة اقولها اية صح يامشمشة

باشمهندس مونى (زويل المنتدى بطوط بطوط دى بقا حكاية شوية

هاكتشف انى اناوهى شخص واحد مش عارفة ازى فينا كتير من بعض
اكمل البنات .جنة . سما .شذى الربيع شفاها الله . ستااااار
كل البنات وبرضوا اوعى حد يزعل لو نسيت اسمه.


وفى شكر خاااااص احب اقدمه الى انسان صديق اخ عزيز وائل

هو اللى

كان دائما بيشجعنى على الاستمرار فى الافضل وانى انزل مواضيع

بيشجعنى على الاندماج معاكم بجد انا بشكره اوى وربنا يوفقه

فى كل حياته ويجزيه عنى كل الخير عشان بجد كان له دور ليس

بالقليل فى خروجى من شرنقتى واحزانى .


وتحياتى وشكرى لكل الاعضاء

وبوكيه الورد دة منى ليكم

تسلمى يا شهد
بجد ميرسى لزوقك

حبيبة قلبى مهما قولتلك مش هقدر اوفيكى حقك بس بجد انتى تستاهلى كل خير يا حبيبتى
واحنا فعلا فينا كتير من بعض ودى حاجه بتفرحنى اوى يا شهد
الله يسعد اوقاتناااااااااااااااااا واوقات كل اللى فى المنتدى

في الاول كد بقي قبل اي حاجه

إللي هيمد ايده علي بوكيه الورد انا هضربه
شهد جيباه زينه بس وعليه رهن هنخلص بيه الموضوع وهيرجع تاني


بالنسبه للموضوع ده يا شهد
هو احنا مش مستنين شكر ولا حاجه لان مافيش بين الاخوات شكر
احنا فعلا اخوات
وانا مايهمنيش اي حاجه من المنتدي ده إلا اني احس فعلا ان كل مافيه اخوات وبيخافو علي بعض واسره واحده
انا كنت عامل المنتدي ده الاول للدعم وحل مشاكل وبرمجه وتصميم وكلام من ده يعني بيخص مجموعه معينه بس من الناس
بس لما جي فيه اعضاء حلوين زيكم لاقيت المنتدي بيتحول لمجال تاني خالص
مزعلتش عليه رغم انه مش هيحقق الهدف المطلوب
وزي مانتو عارفين اني ديموقراطي قلت مش مهم احقق إللي عايزه كفايه فرحه الاعضاء وراحتهم
بس إللي هيتعبني هقلب المنتدي تاني بتاع برمجه زي الاول واريح دماغي ,,, اه انا مش ناقص وجع قلب

بس وجدت ان انا حققت حاجه اجمل من إللي كنت بحلم بيها وهي معرفتكم

ومش لاقي كلام تاني اقوله
واي حد عايز اي مساعده انا بالخدمه ..

منورينى دايما واشكر تواجدكم الجميل فى الموضوع والاهتمام بالرد بحبكم اوى اوى يابنات ياعساسيل

انتوا (مع خالص تحياتى للاخ العزيز محمد على اهتمامه بالرد)

وربنا ما يحرمنى منكم جميعا

انا جيت بس ااقولك فى اخت بتشكر اخواتها على حاجه ((هههههههههههههههه ردى بقى ياجميل ((
انتى ياشهد اى حد يعرفك يحب يفضل معاكى على طول وانا بصراحه لما بدخل بش الاقى اسمك فى المنتدى النهارده بحس ان فى حاجه ناقصه فى المنتدى انتى خليتى كل الا هنا بجد يحترمكى ويحبوكى وانا اولهم
ربنا يسعد ايامك كلها وبش تبقى زعلانه من اى حاجه خالص
بس امشى انا بقى لحسن انا كده هعيط

تسلميلى ياريرى ياعسلية على اهتمامك بالموضوع

وكلامك دة كبير اوى وكتير عليا اشكرك ياحبيبى